Հարափոփոխ այս աշխարհում հանրակրթության ոլորտի շահառուների գիտելիքների, հմտությունների ու կարողությունների շարունակական զարգացմանն ուղղված վերապատրաստումների և մասնագիտական զարգացման ծրագրերի իրականացումը ԴՇՀ-ի գործունեության առանցքային ուղղություններից է: 

Վերապատրաստումները միտված են ժամանակի զարգացումներին համահունչ հանրակրթության շահառուների մասնագիտական ու անձնային որակների բարձրացմանը, ուսուցչի դերի ու վարկանիշի արժևորմանը՝ արդյունքում նպաստելով կրթության որակի բարելավմանն ու արդիականացմանը:

Վերապատրաստման դասընթացները հասցեագրված են հետևյալ թիրախային խմբերին.

·         ուսուցիչներ,

·         տնօրեններ, փոխտնօրեններ,

·        դասագրքերի, ուսումնաօժանդակ նյութերի հեղինակներ, փորձաքննություն, փորձարկում իրականացնողներ և այդ գործընթացների այլ մասնակիցներ,

·         էլեկտրոնային կրթական ռեսուրսներ ստեղծողներ,

·         մանկավարժի և կրթության կառավարման որակավորում ստացող ուսանողներ:

ԴՇՀ-ի կողմից իրականացվող մասնագիտական զարգացման և վերապատրաստման դասընթացների հիմնական ուղղություններն են՝

·         ժամանակակից ուսուցման գործընթացի առանձնահատկությունները, դասավանդման ու գնահատման նոր մեթոդները.

·         կրթական նոր միջավայրի ձևավորման խնդիրները.

·         դասագրքերի մշակման, գնահատման ու փորձարկման գործընթացները.

·         կրթական ռեսուրսների ստեղծման և կիրառման գործընթացները.

·         հետազոտական և նախագծային աշխատանքների մշակման ու իրականացման սկզբունքները, մեթոդները.

·         դպրոցի զարգացման ծրագրի մշակման առանձնահատկությունները.

·         ուսուցչի անձնային որակների, մասնագիտական գիտելիքների, հմտությունների ու կարողությունների զարգացումը.

·         ուսումնական գործընթացում ՏՀՏ-ի կիրառումը: