ՀՈԳԱԲԱՐՁՈՒՆԵՐԻ ԽՈՐՀՈՒՐԴ

          ԴՇՀ-ի կառավարման բարձրագույն մարմինը հոգաբարձուների խորհուրդն է (այսուհետ՝ Խորհուրդ), որը բաղկացած է առավելագույնը 17 անդամից:

Խորհրդի իրավասություններն են՝

·       ԴՇՀ-ի ռազմավարական ծրագրի հաստատումը․

·       ԴՇՀ-ի տարեկան բյուջեի, ֆինանսական և գործունեության հաշվետվությունների հաստատումը․

·       ԴՇՀ-ի վերակազմակերպման մասին որոշման ընդունումը․

·       Խորհրդի նոր անդամների ընտրությունը և Խորհրդի անդամների լիազորությունների վաղաժամկետ դադարեցման մասին որոշումների ընդունումը․

·       Խորհրդի նախագահի և գործադիր տնօրենի ընտրության և նրանց լիազորությունների վաղաժամկետ դադարման մասին որոշումների ընդունումը․

·   տնտեսական ընկերությունների ստեղծման կամ դրանցում մասնակցության, ինչպես նաև առանձնացված ստորաբաժանումների և հիմնարկների ստեղծման և դրանց կանոնադրությունների հաստատման մասին որոշումների ընդունումը․

·       ԴՇՀ-ի ֆինանսատնտեսական գործունեության վերահսկումը․

·       օրենքով, կանոնադրությամբ նախատեսված այլ լիազորությունների իրականացումը։

ԳՈՐԾԱԴԻՐ ՏՆՕՐԵՆ

ԴՇՀ-ի ընթացիկ գործունեության ղեկավարումն իրականացնում է ԴՇՀ-ի Գործադիր տնօրենը, ով կազմակերպում և իրականացնում է ԴՇՀ-ի ամենօրյա գործունեությունը՝ կանոնադրության դրույթներին, Խորհրդի որոշումներին և հանձնարարություններին համապատասխան:

Գործադիր տնօրենի իրավունքներն ու պարտականությունները սահմանվում են օրենքով և ԴՇՀ-ի կանոնադրությամբ: Նրա իրավասությանն են պատկանում ԴՇՀ-ի ընթացիկ գործունեության կառավարման բոլոր հարցերը՝ բացառությամբ օրենքով և կանոնադրությամբ Խորհրդի իրավասություն հանդիսացող հարցերի:

ԳՈՌ ԳԱՍՊԱՐՅԱՆ

ԳՈՐԾԱԴԻՐ ՏՆՕՐԵՆ

էլեկտրոնային հասցե՝ gorgasparyan@dshh.am

հեռախոս՝ +374 10 575 643