![](http://dshh.am/wp-content/uploads/slider/cache/f097662aaa6c5d7ee56473e0f15d69e5.jpg)
![](http://dshh.am/wp-content/uploads/slider/cache/4b185a42fd4f450e24235d9e3badfd5d/-1.jpg)
![](http://dshh.am/wp-content/uploads/slider/cache/9cf4344c6bbcc7c6a5371208400ca4e0/-2.jpg)
![](http://dshh.am/wp-content/uploads/slider/cache/c7e1fe38624e17e3e633a4238333b54b/-3․2.jpg)
![](http://dshh.am/wp-content/uploads/slider/cache/169a3ded8fcea365c12d4bf6fa104b3a/5.jpg)
![](http://dshh.am/wp-content/uploads/slider/cache/571465b3a19648f3c0c92843ebee1001/4.jpg)
![](http://dshh.am/wp-content/uploads/slider/cache/182ac29b2454301b2dae768d1865c6b1/6.jpg)
![](http://dshh.am/wp-content/uploads/slider/cache/38b528f91051f41bb19fb381dec2fb65/7.jpg)
![](http://dshh.am/wp-content/uploads/slider/cache/0b289dcaed72441e026be1166a2e90fd/9.jpg)
![](http://dshh.am/wp-content/uploads/slider/cache/e0c02733fab0f2141dbcda8c01eede74/10.jpg)
![](http://dshh.am/wp-content/uploads/slider/cache/5375119962ad760a3f86e79821aab650/-11.jpg)
![Thumbnail 1](https://dshh.am/wp-content/uploads/slider/cache/7a2ef057f99dc4fd7fb2b9c30bd3a4b2.jpg)
![Thumbnail 2](https://dshh.am/wp-content/uploads/slider/cache/b146f19def60f9cb5d4723622f8ca061/-1.jpg)
![Thumbnail 3](https://dshh.am/wp-content/uploads/slider/cache/6447e68280644214d7b1f2f423f106b3/-2.jpg)
![Thumbnail 4](https://dshh.am/wp-content/uploads/slider/cache/c9d08b914dbd63dc1aaa3b5c786e3a56/-3․2.jpg)
![Thumbnail 5](https://dshh.am/wp-content/uploads/slider/cache/d908c0b096a1badbe5678bce26dbaf0b/5.jpg)
![Thumbnail 6](https://dshh.am/wp-content/uploads/slider/cache/dbac4da657d5d9fc3e271adef42993cc/4.jpg)
![Thumbnail 7](https://dshh.am/wp-content/uploads/slider/cache/12ad31e190873e612664f800ace4c047/6.jpg)
![Thumbnail 8](https://dshh.am/wp-content/uploads/slider/cache/a31d99105bd3dc8432d98fdba5fd42c6/7.jpg)
![Thumbnail 9](https://dshh.am/wp-content/uploads/slider/cache/01fd4d73c5ae554c248e995bb2fadbe9/9.jpg)
![Thumbnail 10](https://dshh.am/wp-content/uploads/slider/cache/eb64e2c6f2700095226d03ec54ad60af/10.jpg)
![Thumbnail 10](https://dshh.am/wp-content/uploads/slider/cache/ef17287f920fdf3ad3a593885d60f655/-11.jpg)
Դասագրքերի և ՏՀՏ շրջանառու հիմնադրամը «Դասագրքաստեղծման աշխատանքներում ուսուցիչների մասնակցության ծրագրի» (Ծրագիր) շրջանակներում 2022 թվականի ապրիլի 2-12-ն իրականացրել է «Հայրենագիտություն», «Հասարակություն, հասարակական գիտություններ» և «Օտար լեզուներ» բնագավառների առարկայական նոր չափորոշիչներին և ծրագրերին նվիրված հեռավար սեմինար-պարապմունքներ՝ Ծրագրում ընդգրկված պատմության, հասարակագիտության և օտար լեզուների ուսուցիչների համակազմերի հետ:
Սեմինարների նպատակն է պարզաբանել առարկայական նոր չափորոշիչների և օրինակելի ծրագրերի հիմնական դրույթները, ուսուցիչների մոտ զարգացնել ուսումնական նյութերի՝ չափորոշչին և ծրագրին համապատասխանությունը բացահայտելու հմտություններ:
Սեմինար-պարապմունքների ընթացքում մանրամասն ներկայացվել և քննարկվել են հետևյալ թեմաները.
- Առարկայական նոր չափորոշչի և ծրագրի կառուցվածքը,
- Հիմնական գաղափարներն ու նոր մոտեցումները,
- Նախորդ չափորոշչի և ծրագրի համեմատությամբ կատարված նոր փոփոխությունները,
- Բովանդակության կառուցման հիմնական սկզբունքները,
- Կապը Հանրակրթության պետական նոր չափորոշչի հետ,
- Բովանդակային բաղադրիչների (գիտելիք, հմտություն, դիրքորոշում, արժեքային բաղադրիչ) արտացոլումը չափորոշչում և ծրագրում,
- Միջառարկայական կապերի արտացոլումը չափորոշչում և ծրագրում,
- Ուսումնական գործունեության տեսակները,
- Օրինակելի ծրագրի կառուցվածքը,
- Առարկայի առանձնահատկությունից բխող այլ հարցեր՝ սեմինարավարի հայեցողությամբ:
Տեսական նյութերի ներկայացումն ուղեկցվել է գործնական աշխատանքներով, հարցուպատասխաններով, ծավալվել են շահագրգիռ և բովանդակային քննարկումներ՝ ուսուցիչների կողմից բարձրացված բազմաբնույթ հարցերի, խնդիրների, տեսակետների շուրջ:
Սեմինարները վարել են տվյալ ոլորտի փորձառու մասնագետները, հանրակրթության պետական, առարկայական չափորոշիչները և ծրագրերը մշակող փորձագիտական խմբերի անդամները: Մասնավորապես, «Հայրենագիտություն» և «Հասարակություն, հասարակական գիտություններ» բնագավառների առարկայական նոր չափորոշիչների և ծրագրերի վերաբերյալ դասընթացները պատմություն և հասարակագիտություն առարկաների ուսուցիչների հետ անցկացրել են պ.գ.թ. Լիլիթ Մկրտչյանը և Հայաստան Գրիգորյանը, «Օտար լեզուների» սեմինարները՝ բ.գ.թ. Քրիստինե Սողիկյանը: Սեմինարների ընթացքում քննարկվող թեմաների, հարցերի բովանդակային-փորձագիտական մասի և Ծրագրի իրականացման կազմակերպչական ու շարունակության հարցերի վերաբերյալ տեսակետներ են արտահայտել Ծրագրի խորհրդատու Սարիբեկ Հակոբյանը և Դասագրքերի և ՏՀՏ շրջանառու հիմնադրամի տնօրեն Գոռ Գասպարյանը:
Սեմինարների ավարտին ուսուցիչներին տրվել է գործնական առաջադրանք՝ առարկայական նոր չափորոշիչների և ծրագրերի վերաբերյալ իրենց տեսակետներն արտահայտելու և դրանց բարելավման ուղղությամբ առաջարկություններ ներկայացնելու վերաբերյալ:
Առաջիկայում կշարունակվեն Ծրագրի միջոցառումները՝ համաձայն Ծրագրի ճանապարհային քարտեզի: Կանցկացվեն նաև «Ֆիզիկական կուլտուրա» և «Նախնական զինվորական պատրաստություն» առարկաների չափորոշիչներին և ծրագրերին նվիրված սեմինարները՝ տվյալ առարկաների ուսուցիչների համակազմի համար:
Ծրագրի շրջանականերում իրականացվող աշխատանքների լուսաբանմանը հետևեք մեր պաշտոնական dshh.am կայքում և ֆեյսբուքյան էջում: