0
(0)
Խորհրդակցություն դասագրքաստեղծման ծրագրի շրջանակներում
Դասագրքերի և ՏՀՏ շրջանառու հիմնադրամը «Դասագրքերի ստեղծման, գնահատման և փորձարկման աշխատանքներում ուսուցիչների մասնակցության և անհրաժեշտ հմտությունների զարգացման» ծրագրի շրջանակներում 2021 թ. հոկտեմբերի 29-ին Գավառի թ. 2 միջնակարգ դպրոցում անցկացրեց խորհրդատվական հանդիպում ՀՀ Գեղարքունիքի մարզի մի շարք դպրոցների՝ ծրագրին մասնակցելու հայտ ներկայացրած ուսուցիչների հետ:
Հանդիպման նպատակն է ուսուցիչներին ներկայացնել Դասագրքաստեղծման ծրագիրը և ստեղծել մոտիվացիաներ՝ ծրագրում ուսուցիչների արդյունավետ ներգրավման համար:
Հանդիպման ընթացքում ԴՏՀՏՇՀ-ի մարզային կոորդինատորների ղեկավար Կ. Սեդրակյանը ներկայացրեց դասագրքաստեղծման գործընթացը, այդ աշխատանքներին ուսուցիչների մասնակցությաան կարևորությունը և ԴՏՀՏՇՀ-ի կողմից ձեռնարկվող միջոցառումները՝ դասագրքաստեղծման աշխատանքներում ուսուցիչների ներգրավվածության բարձրացման ուղղությամբ:
Ծրագրի փորձագետ Ս. Հակոբյանը ներկայացրեց դասագրքաստեղծման ծրագրի բովանդակությունը, Ծրագրի նպատակները, խնդիրները, Ծրագրի իրականացումից ակնկալվող արդյունքները, ուսուցիչների կողմից Ծրագրի մասնակցության արդյունքում ձեռք բերվող կարողություններն ու դրանց կիրառության հնարավորությունները, ինչպես նաև պարզաբանումներ տվեց ուսուցիչներին տրվող գործնական առաջադրանքի պահանջների վերաբերյալ:
ԴՏՀՏՇՀ-ի տնօրեն Գ. Գասպարյանը խոսեց դասագրքաստեղծման ծրագրի շրջանակներում ԴՏՀՏՇՀ-ի և ուսուցիչների համագործակցության ձևերի և ակնկալիքների մասին, ներկայացրեց հետագա աշխատանքների կազմակերպման ԴՏՀՏՇՀ-ի մոտեցումներն ու ծրագրային քայլերը, պատասխանեց ուսուցիչներին հետաքրքրող հարցերին:
Հանդիպման ընթացքում տեղի ունեցան մտքերի փոխանակում և քննարկումներ՝ ծրագրի բովանդակային ու կազմակերպչական տարբեր հարցերի շուրջ: Ուսուցիչներին տրվեց գործնական առաջադրանք` 20 օրյա ժամկետում ներկայացնել իրենց կողմից դասավանդվող առարկայի որևէ դասագրքի և ուսուցչի ձեռնարկի վերաբերյալ բնութագրական գնահատականներ, ներկայացնել վերջիններիս բարելավման ուղղությամբ առաջարկություններ: Առաջադրանքի արդյունքների հիման վրա կմշակվեն դասագրքաստեղծման ծրագրի շրջանակներում իրականացվող հետագա գործողությունները, կձևավորվեն և կհստակեցվեն վերապատրաստումների կազմակերպման շրջանակները, ժամկետներն ու ձևաչափերը:
Դասագրքաստեղծման ծրագրի շրջանակներում ուսուցիչների հետ խորհրդատվական հանդիպում-քննարկումները կլինեն շարունակական, որոնց կարող են մասնակցել Երևան քաղաքի և հանրապետության բոլոր մարզերի՝ ծրագրի հետաքրքրվածության հայտ ներկայացրած ուսուցիչները:
Շարունակեք հետևել մեր պաշտոնական կայքին և ֆեյսբուքյան էջին:
![](https://dshh.am/wp-content/uploads/2021/11/252608013_5078681288826956_8204330109710343077_n-768x1024.jpg)
![](https://dshh.am/wp-content/uploads/2021/11/252469596_5078678838827201_982905971710240998_n-768x1024.jpg)
![](https://dshh.am/wp-content/uploads/2021/11/252363275_5078680332160385_7087536467386567127_n-768x1024.jpg)
![](https://dshh.am/wp-content/uploads/2021/11/252322239_5078679622160456_8479493532422550148_n-768x1024.jpg)
![](https://dshh.am/wp-content/uploads/2021/11/252318858_5078679935493758_7384959271261075665_n-768x1024.jpg)
![](https://dshh.am/wp-content/uploads/2021/11/252318823_5078680602160358_5609446237220597173_n-768x1024.jpg)
![](https://dshh.am/wp-content/uploads/2021/11/252297685_5078680915493660_4072390016875231977_n-768x1024.jpg)
![](https://dshh.am/wp-content/uploads/2021/11/254580934_5078676008827484_5235089639230848563_n.jpg)
![](https://dshh.am/wp-content/uploads/2021/11/254554181_5078676772160741_7938651846688741624_n.jpg)
![](https://dshh.am/wp-content/uploads/2021/11/254013057_5078676192160799_7382212424469430387_n.jpg)
Post Views: 2,336